Error message

Warning: explode() expects parameter 2 to be string, array given in {closure}() (line 3202 of /home/tulear/public_html/sites/all/modules/bible/bible.module).

Salamo Chapter 91 - Baiboly Malagasy

1
NY mitoetra ao amin’ny fierena izay an’ny Avo Indrindra Dia monina eo ambanin’ny aloky ny Tsitoha.
2
Izaho hilaza an’i Jehovah hoe: Fialofako sy batery fiarovana ho ahy Izy Ary Andriamanitro, Izay hitokiako.
3
Fa Izy no hanafaka anao amin’ny fandriky ny mpihaza sy ny areti-mandoza.
4
Ny volon’elany no anaronany anao, Ary ao ambanin’ny elany no hialofanao; Ho ampinga kely sy ampinga lehibe ny fahamarinany.
5
Tsy hatahotra ny horohoro nony alina hianao, Na ny zana-tsipìka manidina nony andro,
6
Na ny areti-mandringana mandeha amin’ny maizina, Na ny fandringanana mandripaka amin’ny mitataovovonana.
7
Na dia hisy arivo aza lavo eo anilanao sy iray alina eo an-kavananao, Dia tsy hihatra aminao izany.
8
Hijery maso fotsiny hianao, Ka ho hitanao ny hamaliana ny ratsy fanahy.
9
Satria hoy hianao: Jehovah ô, Hianao no aroko, Sady nataonao ho fonenanao ny Avo Indrindra,
10
Dia tsy hisy loza hanjo anao, Na aretina hanakaiky ny lainao.
11
Fa Izy handidy ny anjeliny ny aminao Mba hiaro anao eny amin’izay rehetra halehanao.
12
Eny an-tànany no hitondran’ireo anao, Fandrao ho tafintohina amin’ny vato ny tongotrao.
13
Ny liona masiaka sy ny vipera hodiavinao; Ny liona tanora sy ny menarana no hohitsahinao.
14
Satria Izaho no niraiketan’ny fitiavany, Dia hamonjy azy Aho; Hanandratra azy ho any amin’ny avo Aho, satria mahalala ny anarako izy.
15
Hiantso Ahy izy, dia hamaly azy Aho; Ho eo aminy Aho, raha ory izy; Hamonjy sy hanome voninahitra azy Aho.
16
Hovokisako fahela-velona izy; Ary hasehoko azy ny famonjeko.